அட்சய திருதியை

திருதியை என்பது திதி ஆகும், திதி என்பது சூரியனுக்கும் சந்திரனுக்கும் உள்ள தூரமே திதி ஆகும். இதனை வளர்பிறையில் பதினைந்து திதியும், தேய் பிறையில் பதினைந்து திதியுமாக முப்பது திதிகளாக ஜோதிடத்தில் வகுத்துள்ளனர். திருதியை திதி என்பது அம்மாவாசையில் இருந்து அல்லது பௌர்ணமியிலிருந்து மூன்றாவது நாளாகும், இதில் வளர்பிறையில் அதாவது அம்மாவாசையிலிருந்து நான்காவது நாள் வருவது திருதியை திதி எனப்படும், அம்மாவாசைக்கு மறுநாள் பிரதமை அல்லது பாட்டுமை திதி எனப்படும், அதற்க்கு அடுத்த நாள் துவிதியை திதி எனப்படும் இந்த இரண்டு நாட்களும் நிலவு தெரிவதில்லை. அம்மாவாசைக்கு பின்னர் நிலவு தெரிவது திருதியை அன்று தான். அதனால் தான் இதை மூன்றாம் பிறை என்பர். இந்த மூன்றாம் பிறையை பார்த்தவுடன் நாம் எதை பார்க்கிறோமோ அது போன்ற பலன்களையே அந்த மாதம் முழுவதும் அடைவர் என்ற ஐதீகம் நமது நாட்டில் பண்டை நாள் தொட்டு இருந்து வருகின்ற ஒன்றாகும். பொதுவாகவே மூன்றாம் பிறையை பார்த்தவுடன் நீங்கள் அடுத்து பார்ப்பது பணமாக இருந்தால் உங்களுக்கு அந்த மாதம் முழுவதுமே பண தட்டுப்பாடு வராது என்பது அனுபவ உண்மையாகும். இதை நீங்களே அனுபவித்து பார்த்து அறிந்து கொள்ளலாம். இது போன்ற எண்ணற்ற சூட்சும விஷயங்களை நம் முன்னோர்கள் நமக்கு சொல்லிச் சென்றுள்ளார்கள். அதுமட்டுமல்ல இவ்வளவு சிறப்பு வாய்ந்த இந்த மூன்றாம் பிறையானது சித்திரை மாதம் வரும்போது அது அட்சய திருதியை என அழைக்கப் படுகிறது.

சந்திரன் சிறிது சிறிதாக தேயும் சாபம் பெற்ற பின்னர் சிவபெருமானை நோக்கி தவம் செய்து பதினைத்து நாள் தேய் பிறையாக வந்தாலும், மீண்டும் வளரும் வரத்தை பெற்றது இந்த சித்திரை மாத திருதியை திதியாகும், இதனால் சித்திரை மூன்றாம் பிறை சிறப்பு வாய்ந்த அட்சய திருதியை தினமாக அழைக்கப்படுகிறது. இது மட்டுமின்றி இந்த அட்சய திருதியைக்கு பல சிறப்புக்களை சொல்லலாம்.

பகீரதனின் கடும் தவத்தால் ஆகாயத்திலிருந்து இறங்கிய கங்கை நதியானவள் பூமியை தொட்டது இந்த அட்சய திருதியை நாளில்தான். மேலும் பஞ்சபாண்டவர் வன வாசத்தின்போது அட்சய பாத்திரம் பெற்றது இந்த அட்சய திருதியை நாளில்தான். அட்சய பாத்திரம் என்பது அள்ள அள்ள குறையாமல் உணவு வந்துகொண்டே இருக்கின்ற அமுத சுரபியாகும். இதேபோல இரட்டை காப்பியம் என்று புகழப்பட்ட மணிமேகலை நூலில் சொல்லப்பட்ட அட்சய பாத்திரத்தை மணிமேகலைக்கு கொடுக்கப்பட்டது இந்த அட்சய திருதியை நாளில் தான். திருமாலின் மணிமார்பில் திருமகளாகிய மகாலட்சுமி அலங்கரிக்கும் வரத்தை பெற்றதும் இந்த அட்சய திருதியை நாளில்தான். இந்திரனுக்கு சங்கநிதி பதுமநிதி என்ற இரண்டு அளவற்ற நிதி கிடைத்தது இந்த நாளில்தான். குசேலனுக்கு கண்ணன் கொடுத்த அளவற்ற செல்வமும் இந்த நாளில் தான் கொடுக்கப்பட்டது. திரௌபதி துகில் உறியப்பெற்றபோது சேலையை கொடுத்து மானம் காத்தான் கண்ணபிரான், அதுவும் இந்த அட்சய திருதியை நாளில்தான். ஆதிசங்கரர் ஒரு ஏழைப் பெண்ணுக்காக கனகதாரா ஸ்தோத்ரம் பாடியதும் இந்த நாளில் தான். இதில் பத்தொன்பதாவது ஸ்தோத்திரத்தை பாடும்போது அம்பாள் தங்க நெல்லிக்கனியை மழையாக பெய்ய வைத்தது இந்த நாளில்தான்.

இங்கே காட்டப்பட்டுள்ள புராண இதிகாச நிகழ்சிகளில் பொதுவான ஒரு விஷயம் இந்த நாளில் துவங்கப்பட்ட எந்த காரியங்களும் வரம்பற்ற வளர்ச்சியை அடையும் என்பது விதியாகும். இந்த நாளில் நீங்கள் செய்யும் எந்த செயலுக்கும் ஒன்றுக்கு பத்தாக நூறாக பலன் தரும் என்பதில் சந்தேகமில்லை. எனவே இந்த நாளில் நீங்கள் தானம் செய்வது மிகுந்த ஏற்றம் தரும் ஒரு செயலாகும். ஏனெனில் வருடம் முழுவதும் தானம் செய்யும் பேரு பெற்றவராக இருப்பீர்கள். எனவே இந்த நாளில் தானம் செய்வது என்பது முக்கியமான விஷயமாகும்.

ஆனால் நடப்பு காலங்களில் இந்த அட்சய திருதியை என்பது ஒரு வியாபார வாய்ப்பாக பயன்படுத்தப் படுகிறது என்றால் அது மிகையல்ல. அதிலும் நகை வியாபாரம் என்பது அளவிடற்கரியது. பல கோடிக்கணக்கான ரூபாய்க்கு வியாபாரம் நடக்கிறது. உலகில் உள்ள தங்க இருப்பில் சுமார் பதினோரு சதவிகிதம் இந்தியாவிலேயே இருக்கிறது என்ற புள்ளி விபரம் தங்கத்தை நாம் சேமிப்பாக மட்டுமே பார்க்காமல் அதை சமுதாயத்திற்கான மதிப்பு மிக்க அடையாளமாக்கப்பட்டுள்ளது என்றால் அது மறுக்க முடியாத உண்மை. இதனால் தான் பொருளாதரத்தில் நம் நாடு எப்படி இருந்தாலும் தங்கத்தை நுகர்வதில் இந்திய முதல் இடத்தில் இருக்கிறது என்பது கவனிக்க வேண்டிய விஷயமாகும். எப்படி இருந்தாலும் கடன் பட்டாகிலும் அட்சய திருதியை அன்று நகை எடுக்க வேண்டும் என்பதை வாழ்வின் குறிக்கோளாக் கொண்டுள்ள எத்தனயோ பெண்மணிகளை பெற்றுள்ள சமுதாயம் நமது சமுதாயமேயாகும். இது கவலை அளிக்கக் கூடிய நிலைதான்.

அட்சய திருதியை அன்று தங்கம் தான் வாங்க வேண்டும் என்று எந்த சாஸ்திரத்திலும் சொல்லவில்லை. இறைவன் அனைவருக்கும் பொதுவானவன் என்பதில் எந்த சந்தேகமும் இல்லை. அவர் வசதியானவர்களுக்கு மட்டும் அருள் புரிபவன் அல்ல. இல்லாத ஏழை எளியவர்களுக்கும் தனது அருளை மழையாக பொழிபவனே ஆண்டவன். இவ்வாறு இருக்க எப்படி தங்கம் தான் அட்சய திருதியை நாளில் வாங்க வேண்டும் என்று சாஸ்திரம் கூறியிருக்கும். இது முழுமையான வியாபார தந்திரம் என்பதை தவிர வேறென்ன சொல்ல முடியும்.

இந்த நல்ல நாளில் தானம் செய்து பாருங்கள், அதிலும் உடல் உணமுற்றவர்களுக்கு நீங்கள் செய்யும் தானம் உங்களை வாழ்வின் பல படிக்கு உயர்த்தும் என்பதில் சந்தேகமில்லை. இந்த நாளில் நீங்கள் ஆரம்பிக்கும் தான தர்மம் ஆனது வருடம் முழுவதும் உங்களை தானம் செய்பவராக ஆக்கும் அப்படியென்றால் வருடம் முழுவதும் உங்களுக்கு பண கஷ்டம் என்பது அறவே இல்லாமல் போகும். தனது தேவைகளை நிறைவேற்றிக் கொண்ட பின்னர் தான் ஒருவன் தான தர்மத்திற்கு வருவான் என்பது உலகறிந்த உண்மை. ஆதலால் உங்கள் தேவைகள் அனைத்தும் நிறைவேறும் என்பதில் ஐயமில்லை. சனீஸ்வரன் இந்த நாளில் தான் சிவபெருமானை நோக்கி தவம் இருந்து தந்து உடல் குறைகளை நீக்கிக் கொண்டார் என்பது செய்தியாகும். எனவே தான் உடல் உணமுற்றவர்களுக்கு நீங்கள் செய்யும் உபகாரம் உங்களை உயர்த்தும்.

மேலும் இந்த நாளில் நீங்கள் தங்கம் வாங்குவதும் வாங்காததும் உங்களுடைய நிதி நிலைமையை பொறுத்தது ஆனால் எல்லோருக்கும் முடிந்த ஒன்று, மஞ்சள் வாங்குவது அல்லது உப்பு வாங்குவது இவற்றை நீங்கள் வாங்கினாலே உங்களை வாழ்வில் மங்களகரமான முனேற்றம் ஏற்ப்படும் என்பதில் சந்தேகமில்லை. ஆகவே இந்த அட்சய திருதியை நம்முடைய வாழ்வில் ஒரு பெரும் முன்னேற்றத்தை உண்டு பண்ணட்டும் என உங்களோடு சேர்ந்து நானும் வேண்டிக்கொள்கிறேன்.

                                   திருச்சிற்றம்பலம்!!!!

Guru Peyarchi Palangal 2014 for all Rasi's

வயதுக்கு மூத்த பெண்ணை மணம்புரிவது ஏன் ?

                         

                         

                           

                                                                             

                                                                                                                                                                                                  பொதுவாகவே தமிழ் கலாச்சாரத்தில் மணமகனை விட வயதில் மூத்த பெண்ணை மணப்பது என்பது சாதரணமாக இல்லை ஆனாலும் ஒரு சிலர் இது போன்ற வயது மூத்த பெண்ணை மனம் புரிகின்றனர். இதற்க்கு என்ன காரணம் என்பதை ஆராய்வதே இந்த பதிவின் நோக்கமாகும். 

                               மனைவி ஸ்தானமான எழாமிடத்து அதிபதி சனி பகவானுடனோ அல்லது ராகு கேதுவுடனோ சேர்ந்து கேந்திரம் அல்லது திரிகோண ஸ்தானங்களில் இருந்தால் அவர்களுக்கு தனது வயதை விட மூத்த பெண்ணே மணமகளாக அமைய வாய்ப்பு வலுவாக உண்டு. வயது மூத்த பெண்ணை மணக்கலாமா என்றால் அது அவரவர்களின் மனம் ஒத்து போவதை பொருத்ததே தவிர வேறு ஒன்றுமில்லை.  

                                                                             

                                  இந்த உதாரண ஜாதகத்தை பார்க்கலாம். இவருக்கு மீனம் லக்னமாகவும் மகரம் ராசியாகவும் உள்ளது. லக்னத்திற்கு ஏழாவது வீட்டின் அதிபதியான புதன் ஆறாமிடத்ததிபதியான சூரியன் உடனும்  கேதுவுடனும் சேர்ந்து நான்காமிடத்தில் உள்ளது. கேது தன்னைவிட வயது மூத்தவர்களைக் குறிக்கக் கூடிய கிரகமாகும் அதனால் தான் கேதுவை ஞான மோட்ச காரகன் என்கின்றனர். இந்த கேது பகவான் தன்னை விட வயது மூத்த ஞானியரையும் ஆன்மீகவாதிகளையும் குறிப்பவர் ஆவார்.  இந்த ஜாதகர் தன்னை விட ஏழு வயது மூத்த பெண்ணை தனது தகப்பனாரின் பேச்சையும் கேட்டகாமல் மனம் முடித்துவிட்டார். ஏன் தனது தந்தையில் சொல்லையும் தட்டி விட்டு திருமணம் முடித்துள்ளார் ? எழாமிடது அதிபதி கேதுவுடன் மட்டுமல்லாது சூரியனுடனும் சேர்ந்துள்ளார் அல்லவா சூரியன் தந்தையை குறிக்கும் கிரகமல்லவா ? அந்த சூரியன் கேதுவுடன் சேர்ந்து கிரகண தோஷத்தில் உள்ளார். எனவே எல்லா விஷயங்களிலும் தந்தை சொல்லை தட்டாத இந்த மகன் தனது திருமண விஷயத்தில் எல்லை மீறி சென்றுவிட்டார். 

                              தற்போது இந்த ஜாதகருக்கு நடப்பது ராகு திசை ராகு புத்தி என்பதாலும் இந்த ராகுவானவர் அஷ்டமாதிபதியான சுக்கிரன் சாரம் பெற்றுள்ளதாலும், குடும்ப ஸ்தானத்தில் குளிகன் இருப்பதாலும் , குடும்ப ஸ்தானாதிபதி நீசம் பெற்றுள்ளதாலும் இந்த குடும்பமானது சிறக்கவில்லை என்பதும் தற்போது நீதிமன்றத்தை நாடியுள்ளனர் என்பதும் தனிக் கதை. இருப்பினும் தனது வயதைவிட மூத்த பெண்ணை மணக்க கேது பகவான் காரணமாக அமைந்துவிட்டார் என்பதே உண்மை. 

                                                                       

மூத்தோர் சொல்லும் முது நெல்லிக்காயும் முன்னே கசக்கும் பின்னே இனிக்கும் என்பது உண்மை.

ஆலங்குடி குரு பகவான் - கவி காளமேகம் பார்வை

                                                                                   

குரு பகவானின் ஸ்தலம் ஆலங்குடியாகும். குரு பகவான் சிவ பெருமானின் அம்சமானவர், சிவபெருமான் ஆலகால விஷத்தை உண்டவர் என்பதும் உமையம்மை அந்த விஷத்தை தன்னுடைய கையால் இறைவனனின் கழுத்தில் வைத்து கண்டத்திலேயே அதாவது இறைவனின் கழுத்திலேயே விஷத்தை தங்க வைத்ததால் இறைவனின் கழுத்தானது நீல நிறமாக மாறிவிட்டது ஆகவே இறைவனுக்கு திரு நீலகண்டேஸ்வரர் என்ற திருநாமம் வந்தது என்பதும் பரம்பொருள் விடத்தை உண்ட நேரமே பிரதோஷ காலம் என்பதும் நாமறிந்த உண்மையாகும். 

ஆலகால விஷத்தை பருகிய சிவபெருமானின் அம்சமான குரு பகவானை தனது தமிழால் சொல்மாலை சூட்டும் கவி காளமேகம் தனக்கே உரிய நையாண்டியுடன் புனைந்துள்ள கவியானது இன்றும் படித்து இன்புறத் தக்கது. 

" ஆலன்குடியான் " என்றால் ஆலங்குடியில் கோவில் கொண்டுள்ள இறைவா ! என்றும், ஆலகால விஷத்தை பருகாதவன் என்றும் இரு பொருள் பட தமிழ் விளையாடுகிறது காளமேகத்தின் நாவில். அதனால் தானோ என்னவோ கவிக்கொரு காளமேகம் என்று சொலவடை இன்றளவும் வழங்கி வருகிறது

காளமேகத்தில் கவிச்சுவையை இந்த ஒளிக்காட்சியில் ருசிக்கலாம்.

                                                                     

பெண்களுக்கும் தார தோஷம் உண்டா ?

                                

                                      ஆண்களுக்கு திருமணம் ஆகவில்லையா ? அவருடைய ஜாதகத்தில் தார தோஷம் உள்ளது எனவே கால தாமதமாக திருமணம் செய்யுங்கள். அப்போது மறு திருமண யோகம் என்னும் இரண்டாவது விவாகத்தை தடுத்து விடலாம் என ஜோதிடர்கள் சொல்கின்றனர். இதே போல பெண்கள் ஜாதகத்திலும் திருமண தோஷம் இருக்குமா என்றால் நிச்சயமாக இருக்கும் என்று சொல்ல வழி உண்டு. பின்வரும் உதாரண ஜாதகத்தில் லக்னம் மேஷம் ராசி மிதுனம் இந்த ஜாதகத்தில் குடும்ப ஸ்தானத்திற்கு அதிபதியான சுக்கிரனே எழாமிடத்து அதிபதியாகவும் வருவதோடு மட்டுமல்லாமல் களத்திர காரகனாகவும் உள்ளார். ஆக மூன்று வகையான முக்கியத்துவம் பெற்றுள்ள இந்த சுக்கிரன் உதாரண ஜாதகத்தில் நீசம் பெற்ற நிலையில் உள்ளார். 

                                                     பெண்களின் ஜாதகத்தில் மாங்கல்ய ஸ்தானம் என்பது எட்டாமிடமாகும். இந்த எட்டமிடத்தை சனீச்வர பகவான் தனது பத்தாம் பார்வையாக பார்கிறார். அதே இடத்தை செவ்வாய் தனது ஏழாம் பார்வையாக பார்கிறார். ஆக சனி மற்றும் செவ்வாயின் பார்வை ஒரு ராசியில் விழுமானால் அந்த இடமானது நசிந்துவிடும் என்பது ஜோதிட கூற்றாகும். இங்கு சனி செவ்வாய் பார்வை மாங்கல்ய ஸ்தானத்தில் விழுவதால் இந்த பெண்ணிற்கு இரண்டு முறை திருமணம் முடிந்து மூன்றாவது திருமணத்திற்கு மாப்பிள்ளை தேடிக்கொண்டு உள்ளார்கள்.

                                                          எட்டாமிடம் என்பது ஆயுள் ஸ்தானமும் கூட இந்த பெண்ணிற்கு இள வயது என்பதால் ஆயுளில் தோஷம் ஏற்ப்படுத்தவில்லை.மாறாக இருமுறையும் மாங்கல்ய தோஷத்தை ஏற்ப்படுத்தி விட்டது. இந்த மாதிரியான ஜாதகங்கள் ஒரு நல்ல மாப்பிள்ளை ஜாதகத்திற்கு பொருத்தம் பார்க்க வந்தால் இது பொருத்தம் இல்லை என்று கூறும் நிலைக்கு ஜோதிடர்கள் வந்து விடுவர். ஆனால் பொருத்தம் பார்க்க வந்தவர்களோ நாங்கள் பார்த்த பக்கம் இந்த இரண்டு ஜாதகத்திற்கும் பொருத்தம் உள்ளது அதிலும் பத்து பொருத்தமும் உள்ளது எனவே நல்ல முறையில் திருமணம் செய்யலாம். என்று கூறுகின்றனர். இவர்களுக்கு எப்படி சொல்லி புரிய வைப்பது என்பதே ஒரு கலையாகி விடுகிறது.

                                       

                                                                                             

கௌரவத்தை குலைக்கும் காமம்

                       காதல் கண்களை மறைக்கும் என்பது பழமொழி அதேபோல காமம் என்பது தனது நிலை மற்றும் குல பெருமை போன்றவற்றை மறக்க செய்யும் என்பது பலவகையிலும் நாமறிந்த ஒன்றே. இருப்பினும் இந்த உறவு சார்ந்த சிக்கல்களில் தவறு செய்பவர்கள் அது கணவனாயினும் அல்லது மனைவியாயினும் தவறு நடக்கும் வரை எந்த ஒரு வருத்தமும் இல்லாமல் ஒரு ஆர்வத்தினாலும் ஆசையினாலும் அளவு கடந்த விருப்பத்தினாலும் தங்களது பெருமை நிலை வசதி போன்ற எல்லாவற்றையும் மறந்து விடுகின்றனர். அனால் அந்த தவறு நடந்தபின் தங்களது உண்மை நிலை தெரியவரும்போது குறிப்பாக தவறுக்கு துணை செய்த தனது இனையாலோ அல்லது கணவர் / மனைவியாலோ தங்களது சந்தேக பார்வைக்கு ஆளாகும்போது அந்த சூழ்நிலையில் இருந்து தப்புவதற்கு செய்யும் முயற்சிகளின் போதோ அவர்கள் வடிக்கும் கண்ணீரும் படும் துயரமும் அளவிடற்கரியது. இந்த நிலை ஏன்  ஏற்ப்படுகிறது ? இம்மாதிரியான உறவு சிக்கல்களில் மீண்டு வர முடியுமா ? என்பதை ஜோதிட ரீதியாக ஆராய்வதே இந்த கட்டுரையின் நோக்கமாகும். 

                        பின்வரும் உதாரண ஜாதகத்தை பார்க்கவும். சிம்ம லக்னம் சிம்ம ராசி மகம் நட்சத்திரம் கொண்ட இந்த சாதகமானது ஒரு பெண்மணியின் சாதகமாகும். இவர் ஒரு பொறுப்பான அரசு அதிகாரியாவார். இரண்டு குழந்தைகளுக்கு தாயானவர், ஆனால் தனது வயதைவிட குறைந்த வயதுடைய கல்வியறிவு இல்லாத ஓர் மெக்கானிக் வேலை செய்யும் ஒருவருடன் தொடர்பு ஏற்ப்பட்டு மிகுந்த மன அழுத்தத்திற்கு ஆளாகி தற்கொலை செய்து கொள்ளும் அளவு சென்றவர். ஏன்  இந்த நிலைக்கு ஆளானார். 

              சுக ஸ்தானம் எனப்படும் நான்காவது ராசியான விருச்சிகத்தில் சுக்கிரன் செவ்வாய் மற்றும் கேது பகவான் உள்ளனர். நான்காம் வீட்டில் உள்ள கேது தனது தாயாரின் உடல் நலனில் தொல்லை தரும் அமைப்பாகும். தயார் இல்லை என்னும் போது  வீடு வாகனம் அல்லது தனது உடல் நலனில் பிரச்சனைகளை உருவாக்க வேண்டும். ஆனால் இவருடைய பதவி மற்றும் வருமானம் போன்றவற்றால் இருப்பிடமும் அதாவது வீடு மற்றும் வாகனம் போன்றவற்றில் சிறப்பான நிலையில் உள்ளார். தனது வயது மற்றும் வசதிகளால் உடல் ரீதியாக பெரிய தொல்லை என்று எதுவும் இல்லை. ஆனாலும் நான்காமிட கேதுவானவர் தனது பலன்களை கொடுக்க வேண்டுமல்லவா ? ஒரு பலூன் நிறைய தண்ணீரை நிரப்பி அதன் வாய்ப் பகுதியை கையில் பிடித்துக் கொண்டு தரையில் ஓங்கி அடித்தால் அதன் வாய் வழியாகத்தான் வெளியேற வேண்டும் என்பது இல்லை. எதன்  வழியாகவும் வெளியேறலாம் அல்லவே அதைப் போல ஐந்தாமித்தில் ஆட்சியாக உள்ள செவ்வாய் சகல ஐஸ்வர்யத்தை கொடுத்தாலும் கேதுவானவர் உறவு சிக்கல்லை ஏற்ப்படுத்தி விடுகிறார். 

              பொதுவாகவே கடக லக்னம் அல்லது சிம்ம லக்ன ஜாதகர்களுக்கு சனி பகவானானவர் மறைவிடத்தில் நின்றால் மட்டுமே சிறப்பான பலன்களை செய்வார். அவர் ஏழாமிடத்தில் ஆட்சியாகும் போது நிம்மதி அற்ற குடும்ப வாழ்க்கையை ஏற்ப்படுத்தி விடுகிறார். அதிலும் குறிப்பாக இந்த அமைப்பை பெற்றவர்கள் சனி திசையில்  இருந்தால் நிச்சயமாக புயல் வீசும் குடும்ப அமைப்பை பெற்று விடுகின்றனர். இதன் காரணமாகவே இவர்கள் இது போன்ற உறவு சிக்கல்களில் சிக்கிக் கொள்ள காரணமாக அமைகிறது. இந்த உதாரண ஜாதகத்தில் ஏழாமிடத்தில் சனி பகவான் உள்ளார் என்பதும் கவனிக்கத்தக்கது. 

              நாலமிட கேதுவானவர் மற்றும் காம காரகனான சுக்கிரன் சுகாதிபதியான செவ்வாய் சேர்க்கை தவறான வழிகளில் சுகத்தை தந்து விடுகிறார். இருப்பினும் லக்னாதிபதியான சூரியன் நீசம் பெற்று உள்ளது பலருக்கும் புத்தி சொல்லக் கூடிய நிலையில் இருந்தாலும் கௌரவ பங்கத்தை ஏற்ப்படுத்தி விடுகிறார். தனது தவறான உறவுக்காக சில பல லட்சங்களை செலவு செய்து மெக்கானிக்கை பொருளாதார ரீதியாக உயர்த்தி இருப்பினும் அவரிடம் யாருக்கும் தெரியாமல் தினமும் அடியும் உதையும் வாங்கும் நிலையில் இருந்து வருகிறார். தன்னை பார்த்து அனைவரும் எழுந்து நின்று மரியாதை தரத் தக்க நிலையில் இருந்தாலும் தன்னை விட வயதில் குறைந்தவனிடம் தனது கௌரவத்தை அடகு வைக்கும் நிலையில் இருப்பதற்கு லக்னாதிபதியான சூரியன் நீசம் பெற்று இருப்பது  முக்கியமான காரணமாகும். 

                தவறான வழிகளில் சுகத்தை தந்த கேது ஒரு விஷ கிரகம் என்பதால்  ஒரு நிலையில் விஷத்தை குடித்து தற்கொலை செய்ய தூண்டியும் விடுகிறார். ஆனால் ஆயுள் காரகனான சனி பகவான் ஆட்சி பெற்று இருப்பது இவரின்  ஆயுளை பறிக்க விடவில்லை.எனவே மனதளவில் நடை பிணமாக வலம் வரும் இவரின் வாழ்க்கை பரிதாபமான ஒன்றேயாகும். 

பகட்டுக்கும் உடைக்கும் மட்டுமே மரியாதை !!

                                                                             

ஒரு மனிதனின் பெருமை புகழ் அவனுடைய அறிவு சார்ந்த விஷயம் மட்டுமே தவிர அவனுடைய தோற்றம் நடை உடை பாவனைகள் அல்ல என்பது நம்  எல்லோரும் அறிந்த விஷயமே என்றாலும் ஒருவருடைய தோற்றம் மிக சிறப்பாக இருந்தாலே நம்மையும் அறியாமல் அவர்மீது மதிப்பும் மரியாதையும் ஏற்ப்பட்டு விடுகிறது என்றால் அது மிகையல்ல. இருப்பினும் தோற்றம் மட்டுமே முழுமை அல்ல என்பது அறியத்தக்கது. சங்க காலம் தொட்டே தோற்றத்திற்கு மதிப்பு அளிக்கும் கலாச்சாரம் தொடர்ந்து நடந்து வந்துள்ளது என்பதற்கு ஆதாரமே இந்த தமிழ் புலவரின் கவியாகும். தனது வருத்தத்தையும் புலமை திறத்தால் எவ்வளவு அழகுபடுத்திச் சொல்கிறார் என்பது ரசிக்கத்தக்கது.